KHair mein ho na sake shar mein to shamil ho jao

ḳhair meñ ho na sake shar meñ to shāmil ho jaao

kuchh na kuchh merī mohabbat ke to qābil ho jaao

maiñ to bas terī ḳhushī terī razā chāhtā huuñ

fikr merī na karo aur ko hāsil ho jaao

vaise mañjdhār meñ ab mujh ko sukūñ milne lagā

phir bhī chāho to mire vāste sāhil ho jaao

kuchh na kuchh dekhnā tadbīr nikal aa.egī

apne pahlū meñ biThāne ke to qaa.il ho jaao

lutf baḌh jā.egā andāz badal kar dekho

ab jo maqtal meñ raho maut se ġhāfil ho jaao

dostī ho ki 'adāvat ho koī harj nahīñ

shart ye hai ki zarā pahle muqābil ho jaao

maiñ ne kab rok ke rakkhā tumheñ jān-e-'bismil'

zehn-o-dil kyā hai mirī ruuh meñ dāḳhil ho jaao

KHair mein ho na sake shar mein to shamil ho jao

kuchh na kuchh meri mohabbat ke to qabil ho jao

main to bas teri KHushi teri raza chahta hun

fikr meri na karo aur ko hasil ho jao

waise manjdhaar mein ab mujh ko sukun milne laga

phir bhi chaho to mere waste sahil ho jao

kuchh na kuchh dekhna tadbir nikal aaegi

apne pahlu mein biThane ke to qail ho jao

lutf baDh jaega andaz badal kar dekho

ab jo maqtal mein raho maut se ghafil ho jao

dosti ho ki 'adawat ho koi harj nahin

shart ye hai ki zara pahle muqabil ho jao

main ne kab rok ke rakkha tumhein jaan-e-'bismil'

zehn-o-dil kya hai meri ruh mein daKHil ho jao