KHala mein ho irtiash jaise kuchh aisa manzar hai aur main hun
KHala mein ho irtiash jaise kuchh aisa manzar hai aur main hun
Mohammad Ahmad Ramz
MORE BYMohammad Ahmad Ramz
ḳhalā meñ ho irti.āsh jaise kuchh aisā manzar hai aur maiñ huuñ
ye karb-e-taḳhlīq kā dhuāñ hai jo mere andar hai aur maiñ huuñ
hazār rañgoñ meñ apnī lahroñ pe shaam ubhartī hai Dūbtī hai
chahār atrāf ā.īna haiñ vo zulf-e-abtar hai aur maiñ huuñ
mire sivā kuchh nahīñ kahīñ bhī azal abad ek ḳhvāb-e-mastī
zamīñ qadam-bhar hai mere nīche falak nigah-bhar hai aur maiñ huuñ
siyāh girdāb sī ḳhalā meñ kisī ko to Dūbnā hai āḳhir
safar kā sāthī bas ik sitāra mire barābar hai aur maiñ huuñ
mujhe ḳhabar hai ki 'ramz' kitnī samā.ateñ zaḳhm zaḳhm hoñgī
lahū kī haiñ kuchh hikāyateñ aur zabān-e-ḳhanjar hai aur maiñ huuñ
KHala mein ho irtiash jaise kuchh aisa manzar hai aur main hun
ye karb-e-taKHliq ka dhuan hai jo mere andar hai aur main hun
hazar rangon mein apni lahron pe sham ubharti hai Dubti hai
chahaar atraf aaina hain wo zulf-e-abtar hai aur main hun
mere siwa kuchh nahin kahin bhi azal abad ek KHwab-e-masti
zamin qadam-bhar hai mere niche falak nigah-bhar hai aur main hun
siyah girdab si KHala mein kisi ko to Dubna hai aaKHir
safar ka sathi bas ek sitara mere barabar hai aur main hun
mujhe KHabar hai ki 'ramz' kitni samaaten zaKHm zaKHm hongi
lahu ki hain kuchh hikayaten aur zaban-e-KHanjar hai aur main hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
