KHala sa Thahra hua hai ye chaar-su kaisa

ḳhalā sā Thahrā huā hai ye chār-sū kaisā

ujaaḌ ho gayā ik shahr-e-rañg-o-bū kaisā

tamām halqa-e-ḳhvāb-o-ḳhayāl hairāñ hai

savād-e-chashm meñ aayā ye māh-rū kaisā

kabhī jo fursat-e-yak-lamha bhī mile to dekh

ki dasht-e-yād meñ bikhrā paḌā hai tū kaisā

agarche shora hī shora sab ilāqa-e-dil

tujhe rakkhā hai magar sabz o pur-numū kaisā

sarā-e-dil meñ ka.ī din se shaam hote hī

dhuāñ sā phailne lagtā hai kū-ba-kū kaisā

zarā jo socheñ to ye mas.ala bhī hal ho jaa.e

ki honā chāhiye ab rañg-e-ārzū kaisā

KHala sa Thahra hua hai ye chaar-su kaisa

ujaD ho gaya ek shahr-e-rang-o-bu kaisa

tamam halqa-e-KHwab-o-KHayal hairan hai

sawad-e-chashm mein aaya ye mah-ru kaisa

kabhi jo fursat-e-yak-lamha bhi mile to dekh

ki dasht-e-yaad mein bikhra paDa hai tu kaisa

agarche shora hi shora sab ilaqa-e-dil

tujhe rakkha hai magar sabz o pur-numu kaisa

sara-e-dil mein kai din se sham hote hi

dhuan sa phailne lagta hai ku-ba-ku kaisa

zara jo sochen to ye masala bhi hal ho jae

ki hona chahiye ab rang-e-arzu kaisa