KHamdar aur gesu-e-KHamdar ho gaya

ḳhamdār aur gesū-e-ḳhamdār ho gayā

abrū-e-yār kā ye taraf-dār ho gayā

be-ishq yak maraz thī mujhe apnī zindagī

achchhā huā jo ishq kā āzār ho gayā

dil us ke ishq se kabhī himmat na hārtā

teġh-e-firāq se jigar afgār ho gayā

īmān aur kufr ke jhagḌoñ ne ye kiyā

ik dil do āfatoñ meñ giraftār ho gayā

va.ade kī raat aa ke vo kyā so.e mere ghar

ḳhvābīda baḳht thā mirā bedār ho gayā

kyūñkar na khā.eñ ḳhaar adū is bahār se

vo rashk-e-gul gale kā mire haar ho gayā

baiThe-biThā.e ghar meñ ye daulat huī nasīb

us māh-vash kā ḳhvāb meñ dīdār ho gayā

bāzār-e-ishq meñ yahī saudā gayā hai aaj

īmān de ke us kā ḳharīdār ho gayā

kyā us ko samjhe ho vo purānā hai bāda-kash

kab pārsā thā 'shād' jo mai-ḳhvār ho gayā

KHamdar aur gesu-e-KHamdar ho gaya

abru-e-yar ka ye taraf-dar ho gaya

be-ishq yak maraz thi mujhe apni zindagi

achchha hua jo ishq ka aazar ho gaya

dil us ke ishq se kabhi himmat na haarta

tegh-e-firaq se jigar afgar ho gaya

iman aur kufr ke jhagDon ne ye kiya

ek dil do aafaton mein giraftar ho gaya

wade ki raat aa ke wo kya soe mere ghar

KHwabida baKHt tha mera bedar ho gaya

kyunkar na khaen KHar adu is bahaar se

wo rashk-e-gul gale ka mere haar ho gaya

baiThe-biThae ghar mein ye daulat hui nasib

us mah-wash ka KHwab mein didar ho gaya

bazar-e-ishq mein yahi sauda gaya hai aaj

iman de ke us ka KHaridar ho gaya

kya us ko samjhe ho wo purana hai baada-kash

kab parsa tha 'shad' jo mai-KHwar ho gaya