KHamosh dard tha rote hue dilase the

ḳhamosh dard thā rote hue dilāse the

nigāheñ ek taraf ik taraf tamāshe the

miTānā chāheñ bhī to kis tarah miTā paa.eñ

ki ek dūsre ke dil pe naam likkhe the

hamārā mas.ala johaḌ kā mas.ala nahīñ thā

hamāre aañsū tavātur se bahte rahte the

maiñ sochtī huuñ bhalā us kā kyā banā jis ne

mirī tarah ka.ī ḳhush-rang ḳhvāb dekhe the

abhī se mere hunar aib ho ga.e kaise

abhī to maiñ ne yahāñ sirf paañv rakkhe the

hamāre zehnoñ meñ pahle se sarsarāhaT thī

isī liye to kahānī meñ saañp aa.e the

na-jāne zahr thā merī ragoñ meñ yā us meñ

mirā tamām badan us ke hoñT niile the

KHamosh dard tha rote hue dilase the

nigahen ek taraf ek taraf tamashe the

miTana chahen bhi to kis tarah miTa paen

ki ek dusre ke dil pe nam likkhe the

hamara masala johaD ka masala nahin tha

hamare aansu tawatur se bahte rahte the

main sochti hun bhala us ka kya bana jis ne

meri tarah kai KHush-rang KHwab dekhe the

abhi se mere hunar aib ho gae kaise

abhi to main ne yahan sirf panw rakkhe the

hamare zehnon mein pahle se sarsarahaT thi

isi liye to kahani mein sanp aae the

na-jaane zahr tha meri ragon mein ya us mein

mera tamam badan us ke honT nile the