KHamosh is liye hum hain ki baat ghar ki hai

ḳhamosh is liye ham haiñ ki baat ghar kī hai

abhī ye dekh rahe haiñ havā kidhar kī hai

bujhe charāġh to ehsās-e-karb jaag uThā

na jaane kaise parindoñ ne shab basar kī hai

hamāre bachchoñ ke dil meñ sulag rahe haiñ alaav

ye aag bujh nahīñ pā.egī umr bhar kī hai

nahā uTheñge abhī log be-sabab ḳhuuñ meñ

ye jañg sirf hamāre hī ek sar kī hai

na tum kahoge to ḳhanjar pukār uTThegā

lahū meñ kis ke ye phir āstīn tar kī hai

barahna kāñToñ pe bistar bichhā diyā maiñ ne

tū bhuul jā ki mirī aarzū safar kī hai

panāh dhuup se 'ahsan' jo de sake sab ko

zarūrat aaj yahāñ aise ik shajar kī hai

KHamosh is liye hum hain ki baat ghar ki hai

abhi ye dekh rahe hain hawa kidhar ki hai

bujhe charagh to ehsas-e-karb jag uTha

na jaane kaise parindon ne shab basar ki hai

hamare bachchon ke dil mein sulag rahe hain alaw

ye aag bujh nahin paegi umr bhar ki hai

naha uThenge abhi log be-sabab KHun mein

ye jang sirf hamare hi ek sar ki hai

na tum kahoge to KHanjar pukar uTThega

lahu mein kis ke ye phir aastin tar ki hai

barahna kanTon pe bistar bichha diya main ne

tu bhul ja ki meri aarzu safar ki hai

panah dhup se 'ahsan' jo de sake sab ko

zarurat aaj yahan aise ek shajar ki hai