KHamoshi bhi zaban-e-muddaa malum hoti hai

ḳhamoshī bhī zabān-e-mudda.ā ma.alūm hotī hai

mohabbat iltijā hī iltijā ma.alūm hotī hai

maiñ apne ḳhūn-e-nāhaq kī ab un se daad kyā chāhūñ

nazar un kī nadāmat-āshnā ma.alūm hotī hai

mujhe to apnī barbādī kā shikva hai muqaddar se

ye maiñ ne kab kahā un kī ḳhatā ma.alūm hotī hai

mujhe barbād ġham ho kar tire dar tak pahuñchnā hai

ye barbādī mirī ḳhud rahnumā ma.alūm hotī hai

javānī aur be-parvā ḳhirāmī ai ma.āz-allāh

qayāmat hai qayāmat zer-e-pā ma.alūm hotī hai

alag hai sab se andāz-e-junūñ merī mohabbat kā

mirī vahshat zamāne se judā ma.alūm hotī hai

mirī har baat 'azmat' tarjumān-e-ahl-e-ālam hai

ye duniyā mujh ko merī ham-navā ma.alūm hotī hai

KHamoshi bhi zaban-e-muddaa malum hoti hai

mohabbat iltija hi iltija malum hoti hai

main apne KHun-e-nahaq ki ab un se dad kya chahun

nazar un ki nadamat-ashna malum hoti hai

mujhe to apni barbaadi ka shikwa hai muqaddar se

ye main ne kab kaha un ki KHata malum hoti hai

mujhe barbaad gham ho kar tere dar tak pahunchna hai

ye barbaadi meri KHud rahnuma malum hoti hai

jawani aur be-parwa KHirami ai maaz-allah

qayamat hai qayamat zer-e-pa malum hoti hai

alag hai sab se andaz-e-junun meri mohabbat ka

meri wahshat zamane se juda malum hoti hai

meri har baat 'azmat' tarjuman-e-ahl-e-alam hai

ye duniya mujh ko meri ham-nawa malum hoti hai