khanDar jo ho gaya aisa makan kis ka tha

khañDar jo ho gayā aisā makān kis kā thā

havā jo sah na sakā sā.ebān kis kā thā

zamīn kis kī thī aur āsmān kis kā thā

ḳhayāl kis kā thā dil meñ gumān kis kā thā

thake hue the musāfir kināre lag jaate

vo kashtī Duub ga.ī bādbān kis kā thā

ġhurūr thā jinheñ apnī zamīn-dārī kā

zamīn-doz huā ḳhāndān kis kā thā

vo ek lamha bhī mere qarīb aa na sakā

maiñ jis ko chhū na sakī āsmān kis kā thā

ḳhudā samajh ke jhukāyā thā sar tire aage

jabīñ pe merī vo dhuñdlā nishān kis kā thā

jo chhīn le gayā mujh se mirī matā-e-hayāt

vo haath tere mire darmiyān kis kā thā

shikārī ho ke huā ḳhud shikār hairat hai

jo ūñche peḌ pe thā vo machān kis kā thā

vo jis kī aaj bhī 'ruḳhsār' guuñj baaqī hai

misālī shahr meñ vo ḳhāndān kis kā thā

khanDar jo ho gaya aisa makan kis ka tha

hawa jo sah na saka saeban kis ka tha

zamin kis ki thi aur aasman kis ka tha

KHayal kis ka tha dil mein guman kis ka tha

thake hue the musafir kinare lag jate

wo kashti Dub gai baadban kis ka tha

ghurur tha jinhen apni zamin-dari ka

zamin-doz hua KHandan kis ka tha

wo ek lamha bhi mere qarib aa na saka

main jis ko chhu na saki aasman kis ka tha

KHuda samajh ke jhukaya tha sar tere aage

jabin pe meri wo dhundla nishan kis ka tha

jo chhin le gaya mujh se meri mata-e-hayat

wo hath tere mere darmiyan kis ka tha

shikari ho ke hua KHud shikar hairat hai

jo unche peD pe tha wo machan kis ka tha

wo jis ki aaj bhi 'ruKHsar' gunj baqi hai

misali shahr mein wo KHandan kis ka tha