KHanjar tere hathon mein sanbhal jae to achchha

ḳhanjar tire hāthoñ meñ sañbhal jaa.e to achchhā

qātil mirā armān nikal jaa.e to achchhā

mar jā.eñge par dil na lagā.eñge kisī se

jī aur kisī Dhab se bahal jaa.e to achchhā

har roz vo DhūñDhe haiñ koī taaza ḳharīdār

sūrat mirī har roz badal jaa.e to achchhā

aane se tire jaan to Thahrī thī koī dam

ik dam ke liye jī bhī sañbhal jaa.e to achchhā

tā-hashr tire daam se mushkil hai rihā.ī

is saude kā mar kar bhī ḳhalal jaa.e to achchhā

mar kar bhī ye kahtā huuñ ki jo jī meñ hai mere

is dam kī tarah jī se nikal jaa.e to achchhā

har sher safā.ī meñ hai us ruḳh ke barābar

taskīn' vahāñ ye bhī ġhazal jaa.e to achchhā

KHanjar tere hathon mein sanbhal jae to achchha

qatil mera arman nikal jae to achchha

mar jaenge par dil na lagaenge kisi se

ji aur kisi Dhab se bahal jae to achchha

har roz wo DhunDhe hain koi taza KHaridar

surat meri har roz badal jae to achchha

aane se tere jaan to Thahri thi koi dam

ek dam ke liye ji bhi sanbhal jae to achchha

ta-hashr tere dam se mushkil hai rihai

is saude ka mar kar bhi KHalal jae to achchha

mar kar bhi ye kahta hun ki jo ji mein hai mere

is dam ki tarah ji se nikal jae to achchha

har sher safai mein hai us ruKH ke barabar

taskin' wahan ye bhi ghazal jae to achchha