KHasare mein rahe lekin na chhoDi sadgi humne

ḳhasāre meñ rahe lekin na chhoḌī sādgī ham ne

ba-har-sūrat nibhā.ī dushmanoñ se dostī ham ne

salaf the jo hamāre misl-e-ḳhurshīd-o-mah-o-anjum

unhī ke rāste pe chal ke paa.ī raushnī ham ne

adab ke dā.ere ko de dī vus.at saare aalam kī

ki us kī ābiyārī kī barā.e zindagī ham ne

jahāñ vaalo na maano tum magar sach hai ki duniyā meñ

baḌhāyā hai tah-e-ḳhanjar vaqār-e-āshiqī ham ne

yahāñ sach bolne par zahr kā pyāla hī miltā hai

ajab rasm-e-sitam dekhī hai tere shahr kī ham ne

vasā.el jab ki saare ho chuke the be-asar 'anjum'

charāġh-e-dil jalā kar duur kī hai tīrgī ham ne

KHasare mein rahe lekin na chhoDi sadgi hum ne

ba-har-surat nibhai dushmanon se dosti hum ne

salaf the jo hamare misl-e-KHurshid-o-mah-o-anjum

unhi ke raste pe chal ke pai raushni hum ne

adab ke daere ko de di wusat sare aalam ki

ki us ki aabiyari ki barae zindagi hum ne

jahan walo na mano tum magar sach hai ki duniya mein

baDhaya hai tah-e-KHanjar waqar-e-ashiqi hum ne

yahan sach bolne par zahr ka pyala hi milta hai

ajab rasm-e-sitam dekhi hai tere shahr ki hum ne

wasael jab ki sare ho chuke the be-asar 'anjum'

charagh-e-dil jala kar dur ki hai tirgi hum ne