KHasta hain aziyyat mein hain bimar bahut hain

ḳhasta haiñ aziyyat meñ haiñ bīmār bahut haiñ

kuchh din se to ham ḳhud se bhī bezār bahut haiñ

be-kaif udāsī meñ Dhale ḳhvāb suhāne

ta.abīr ke lamhoñ ke talabgār bahut haiñ

gulzār meñ ḳhāroñ pe gire ashk sahar ke

shabnam ke muqaddar meñ bhī āzār bahut haiñ

vo dil se nagīne ko parakh hī nahīñ sakte

ab jauharī kam kam haiñ ḳharīdār bahut haiñ

buniyād meñ nafrat kī kahīñ iiñT lagī hai

dīvār ke gir jaane ke āsār bahut haiñ

do rang mohabbat meñ gavārā nahīñ karte

ham log usūloñ meñ vaz.a-dār bahut haiñ

ai ishq paḌāv pe kahīñ dam na nikal jaa.e

ai chāragaro rāste dushvār bahut haiñ

darvesh nahīñ koī 'safī' shahr-e-havas meñ

vaise to yahāñ sāhab-e-dastār bahut haiñ

KHasta hain aziyyat mein hain bimar bahut hain

kuchh din se to hum KHud se bhi bezar bahut hain

be-kaif udasi mein Dhale KHwab suhane

tabir ke lamhon ke talabgar bahut hain

gulzar mein KHaron pe gire ashk sahar ke

shabnam ke muqaddar mein bhi aazar bahut hain

wo dil se nagine ko parakh hi nahin sakte

ab jauhari kam kam hain KHaridar bahut hain

buniyaad mein nafrat ki kahin inT lagi hai

diwar ke gir jaane ke aasar bahut hain

do rang mohabbat mein gawara nahin karte

hum log usulon mein waza-dar bahut hain

ai ishq paDaw pe kahin dam na nikal jae

ai chaaragaro raste dushwar bahut hain

darwesh nahin koi 'safi' shahr-e-hawas mein

waise to yahan sahab-e-dastar bahut hain