KHat jalae teri taswir jala di maine

ḳhat jalā.e tirī tasvīr jalā dī maiñ ne

aaj cigarette tirī yādoñ kī bujhā dī maiñ ne

uḌ gayā hai merī āñkhoñ kā parinda kab kā

vo jo sarsabz thī ik shāḳh girā dī maiñ ne

jo mujhe jaan se pyārī thī bharī duniyā meñ

us hasīñ laḌkī kī ab yaad bhulā dī maiñ ne

raat bhar jāgte rahne kī mujhe aadat hai

thapkī ab siine pe hasrat to sulā dī maiñ ne

vo chalī aa.ī thī milne ke liye ḳhalvat meñ

apne hāthoñ se use chaa.e banā dī maiñ ne

maiñ bhī ziddī thā zarūrat se ziyāda 'qaisar'

us ko ik baar na pīchhe se sadā dī maiñ ne

KHat jalae teri taswir jala di main ne

aaj cigarette teri yaadon ki bujha di main ne

uD gaya hai meri aankhon ka parinda kab ka

wo jo sarsabz thi ek shaKH gira di main ne

jo mujhe jaan se pyari thi bhari duniya mein

us hasin laDki ki ab yaad bhula di main ne

raat bhar jagte rahne ki mujhe aadat hai

thapki ab sine pe hasrat to sula di main ne

wo chali aai thi milne ke liye KHalwat mein

apne hathon se use chae bana di main ne

main bhi ziddi tha zarurat se ziyaada 'qaisar'

us ko ek bar na pichhe se sada di main ne