KHat usne zamana hua likkha bhi nahin hai

ḳhat us ne zamāna huā likkhā bhī nahīñ hai

vo ruuTh gayā mujh se ho aisā bhī nahīñ hai

kyoñ talḳh batāyā hai use hazrat-e-vā.iz

jis mai ko kabhī aap ne chakkhā bhī nahīñ hai

vo shaḳhs huā hai mirī bastī kā muhāfiz

jis shaḳhs kī taqdīr meñ sahrā bhī nahīñ hai

achchhā huā fankāroñ ne dūkān baḌhā dī

is shahr meñ ab dīda-e-bīnā bhī nahīñ hai

jaate haiñ kahāñ uTh ke zarā baiThiye sāhib

jī bhar ke abhī aap ko dekhā bhī nahīñ hai

har raah meñ raushan haiñ charāġhoñ kī qatāreñ

ye ġhaur-talab hai ki ujālā bhī nahīñ hai

ahbāb mire jis tarah pesh aa.e haiñ mujh se

dushman ke liye maiñ ne to sochā bhī nahīñ hai

ye hādse jā.eñge kahāñ chhoḌ ke mujh ko

in kā to koī aur Thikānā bhī nahīñ hai

KHat us ne zamana hua likkha bhi nahin hai

wo ruTh gaya mujh se ho aisa bhi nahin hai

kyon talKH bataya hai use hazrat-e-waiz

jis mai ko kabhi aap ne chakkha bhi nahin hai

wo shaKHs hua hai meri basti ka muhafiz

jis shaKHs ki taqdir mein sahra bhi nahin hai

achchha hua fankaron ne dukan baDha di

is shahr mein ab dida-e-bina bhi nahin hai

jate hain kahan uTh ke zara baiThiye sahib

ji bhar ke abhi aap ko dekha bhi nahin hai

har rah mein raushan hain charaghon ki qataren

ye ghaur-talab hai ki ujala bhi nahin hai

ahbab mere jis tarah pesh aae hain mujh se

dushman ke liye main ne to socha bhi nahin hai

ye hadse jaenge kahan chhoD ke mujh ko

in ka to koi aur Thikana bhi nahin hai