KHata-e-ishq ye taslim hai ki humse hui

ḳhatā-e-ishq ye taslīm hai ki ham se huī

ye jur.at ham ko magar aap ke karam se huī

jahān-e-ishq meñ ahl-e-junūñ bhī kam to na the

huī shanāḳht is aqlīm kī to ham se huī

qatīl-e-ishq kiyā phir gale lagā.e rahā

ki ibtidā-e-mohabbat bhī ik sitam se huī

mujhe to jānñe vaale bhī kam hī jānte haiñ

mirī shanāḳht sar-e-mulk fan qalam se huī

jo bahr-e-ishq meñ ġharqāb ho ga.e un kī

ḳhabar huī hai to lahroñ ke zer-o-bam se huī

diloñ meñ ishq kī sham.oñ kī raushnī do-chand

agar huī hai ayaañ aap hī ke dam se huī

KHata-e-ishq ye taslim hai ki hum se hui

ye jurat hum ko magar aap ke karam se hui

jahan-e-ishq mein ahl-e-junun bhi kam to na the

hui shanaKHt is aqlim ki to hum se hui

qatil-e-ishq kiya phir gale lagae raha

ki ibtida-e-mohabbat bhi ek sitam se hui

mujhe to jaanne wale bhi kam hi jaante hain

meri shanaKHt sar-e-mulk fan qalam se hui

jo bahr-e-ishq mein gharqab ho gae un ki

KHabar hui hai to lahron ke zer-o-bam se hui

dilon mein ishq ki shamon ki raushni do-chand

agar hui hai ayan aap hi ke dam se hui