KHatm kal tak irtibaat-e-jism-o-jaan ho jaega

ḳhatm kal tak irtibāt-e-jism-o-jāñ ho jā.egā

har nafas afsāna-e-umr-e-ravāñ ho jā.egā

ai hujūm-e-dard ab ashkoñ kā thamnā hai muhāl

ab ye sotā ek hijr-e-be-karāñ ho jā.egā

yaad terī khīñch degī dil meñ tasvīreñ tirī

dard terā ek dard-e-jāvedāñ ho jā.egā

dasht-e-ġhurbat meñ mirī āñkhoñ se Tapkā hai jo aaj

kyā ye aañsū ek harf-e-rā.egāñ ho jā.egā

ishrateñ kam hote hote be-nishāñ ho jā.eñgī

ġham kā dariyā baḌhte baḌhte be-karāñ ho jā.egā

naala naala dil kī betābi karegā āshkār

ashk ashk andoh-e-dil kā tarjumāñ ho jā.egā

naza.a meñ 'fitrat' ye tum ne mehrbānī kī to hai

maut kā paiġhāmbar nā-mehrbāñ ho jā.egā

KHatm kal tak irtibaat-e-jism-o-jaan ho jaega

har nafas afsana-e-umr-e-rawan ho jaega

ai hujum-e-dard ab ashkon ka thamna hai muhaal

ab ye sota ek hijr-e-be-karan ho jaega

yaad teri khinch degi dil mein taswiren teri

dard tera ek dard-e-jawedan ho jaega

dasht-e-ghurbat mein meri aankhon se Tapka hai jo aaj

kya ye aansu ek harf-e-raegan ho jaega

ishraten kam hote hote be-nishan ho jaengi

gham ka dariya baDhte baDhte be-karan ho jaega

nala nala dil ki betabi karega aashkar

ashk ashk andoh-e-dil ka tarjuman ho jaega

naza mein 'fitrat' ye tum ne mehrbani ki to hai

maut ka paighambar na-mehrban ho jaega