KHauf-e-ruswai gham-e-furqat ka daftar le gaya

ḳhauf-e-rusvā.ī ġham-e-furqat kā daftar le gayā

'ishq kī pastī se vo bhī shor-e-mahshar le gayā

dāman-e-paikar meñ hairat-nāk manzar le gayā

pattharoñ kī būñdiyoñ meñ sar bachā kar le gayā

dard de kar ḳhuun kā anmol gauhar le gayā

kis maqām-e-auj par 'betāb' sāġhar le gayā

bujh nahīñ saktī kabhī hirs-o-havas kī tishnagī

qatra qatra karte karte vo samundar le gayā

qasd-e-manzil ke liye to hausla darkār hai

ai parindo kyā huā sayyād jo par le gayā

pattharoñ ko bhī harārat baḳhshne vaale the vo

intishār-e-fikr jin ko aaj dar-dar le gayā

kyā kahūñ āsūdgī kī kuchh ramaq miltī nahīñ

zar-parastoñ ke nagar meñ bhī vo ghar-ghar le gayā

ho gayā 'betāb' hairāñ us kā chehra dekh kar

ā.ina-ḳhāne meñ jab us ko muqaddar le gayā

KHauf-e-ruswai gham-e-furqat ka daftar le gaya

'ishq ki pasti se wo bhi shor-e-mahshar le gaya

daman-e-paikar mein hairat-nak manzar le gaya

pattharon ki bundiyon mein sar bacha kar le gaya

dard de kar KHun ka anmol gauhar le gaya

kis maqam-e-auj par 'betab' saghar le gaya

bujh nahin sakti kabhi hirs-o-hawas ki tishnagi

qatra qatra karte karte wo samundar le gaya

qasd-e-manzil ke liye to hausla darkar hai

ai parindo kya hua sayyaad jo par le gaya

pattharon ko bhi hararat baKHshne wale the wo

intishaar-e-fikr jin ko aaj dar-dar le gaya

kya kahun aasudgi ki kuchh ramaq milti nahin

zar-paraston ke nagar mein bhi wo ghar-ghar le gaya

ho gaya 'betab' hairan us ka chehra dekh kar

aaina-KHane mein jab us ko muqaddar le gaya