KHauf ka tari silsila kya hai

ḳhauf kā taarī silsila kyā hai

har-sū vahshat hai ye huā kyā hai

ruuh zaḳhmī hamārī sab kī hai

mil ke socheñ ki ab davā kyā hai

qulzum-e-ḳhūñ na az-azal Thahrī

is zehānat kā fā.eda kyā hai

har taraf shor in savāloñ kā

kaun hai tū tirā pata kyā hai

ġhair ke ghar lagī to chup hai tū

ruk ki terā abhī jalā kyā hai

kyuuñ bhaTaktī haiñ saḌkoñ pe rūheñ

mar ke jiine kī ye sazā kyā hai

ik ḳhalish sī havā meñ hai shāyad

saañs mushkil sā ho gayā kyā hai

tū bhī insān maiñ bhī insāñ hī

ab ye insāniyat batā kyā hai

jiite ho laash par kisī kī tum

kal vo jītegā to burā kyā hai

dard terā mirā na ho yaksāñ

dard hī hai alāhada kyā hai

KHauf ka tari silsila kya hai

har-su wahshat hai ye hua kya hai

ruh zaKHmi hamari sab ki hai

mil ke sochen ki ab dawa kya hai

qulzum-e-KHun na az-azal Thahri

is zehanat ka faeda kya hai

har taraf shor in sawalon ka

kaun hai tu tera pata kya hai

ghair ke ghar lagi to chup hai tu

ruk ki tera abhi jala kya hai

kyun bhaTakti hain saDkon pe ruhen

mar ke jine ki ye saza kya hai

ek KHalish si hawa mein hai shayad

sans mushkil sa ho gaya kya hai

tu bhi insan main bhi insan hi

ab ye insaniyat bata kya hai

jite ho lash par kisi ki tum

kal wo jitega to bura kya hai

dard tera mera na ho yaksan

dard hi hai alahada kya hai