KHauf kab nam-e-‘ishq se hai mujhe
ḳhauf kab nām-e-‘ishq se hai mujhe
'ishq ilzām-e-‘ishq se hai mujhe
hai mohabbat kā kārobār mirā
fā.eda dām-e-‘ishq se hai mujhe
kar ke āġhāz chhoḌ detā huuñ
ḳhauf anjām-e-‘ishq se hai mujhe
pyaas paanī se bhī na bujh paa.ī
aasrā jām-e-‘ishq se hai mujhe
kuud kar sab ne ḳhud-kushī kar lī
mas.ala bām-e-'ishq se hai mujhe
buġhz tohfe meñ mil na jaa.e 'naqī'
Dar to in'ām-e-'ishq se hai mujhe
KHauf kab nam-e-‘ishq se hai mujhe
'ishq ilzam-e-‘ishq se hai mujhe
hai mohabbat ka karobar mera
faeda dam-e-‘ishq se hai mujhe
kar ke aaghaz chhoD deta hun
KHauf anjam-e-‘ishq se hai mujhe
pyas pani se bhi na bujh pai
aasra jam-e-‘ishq se hai mujhe
kud kar sab ne KHud-kushi kar li
masala baam-e-'ishq se hai mujhe
bughz tohfe mein mil na jae 'naqi'
Dar to in'am-e-'ishq se hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
