KHauf tamir ki buniyaad mein rakkha hua hai

ḳhauf ta.amīr kī buniyād meñ rakkhā huā hai

hādisa sūrat-e-ījād meñ rakkhā huā hai

ek imkān chhupā thā kisī lahje meñ vahāñ

ik tahayyur yahāñ rūdād meñ rakkhā huā hai

kaise mizhgān-e-hayā toḌ ke bāhar nikle

girya ik zabt kī mī.ād meñ rakkhā huā hai

saañs lete hī bhaḌaktā hai mire siine meñ

ik diyā sā jo tirī yaad meñ rakkhā huā hai

ḳhas-o-ḳhāshāk hue ḳham to khulī ḳhushbū-e-zulf

lutf ya.anī kisī uftād meñ rakkhā huā hai

in sitāroñ se bhalā kaun sune chang-o-rabāb

zaḳhma-e-baḳht zamīñ-zād meñ rakkhā huā hai

KHauf tamir ki buniyaad mein rakkha hua hai

hadisa surat-e-ijad mein rakkha hua hai

ek imkan chhupa tha kisi lahje mein wahan

ek tahayyur yahan rudad mein rakkha hua hai

kaise mizhgan-e-haya toD ke bahar nikle

girya ek zabt ki miad mein rakkha hua hai

sans lete hi bhaDakta hai mere sine mein

ek diya sa jo teri yaad mein rakkha hua hai

KHas-o-KHashak hue KHam to khuli KHushbu-e-zulf

lutf yani kisi uftad mein rakkha hua hai

in sitaron se bhala kaun sune chang-o-rabab

zaKHma-e-baKHt zamin-zad mein rakkha hua hai