KHayal-e-yar mein is tarah gum hua hun main

ḳhayāl-e-yār meñ is tarah gum huā huuñ maiñ

ki intizār kī tasvīr ban gayā huuñ maiñ

uThā to dard kī mānind un kī mahfil se

girā to ashk kī sūrat bikhar gayā huuñ maiñ

mujhe ye aa.iiñ dam-e-naz.a hichkiyāñ kaisī

zarūr aaj unheñ yaad aa gayā huuñ maiñ

sajā ke aañkh meñ aañsū jalā ke ishq meñ dil

jahān-e-ishq kī raunaq baḌhā rahā huuñ maiñ

hameñ to soz-e-judā.ī ne ḳhaak kar Daalā

vo kah rahe haiñ abhī aazmā rahā huuñ maiñ

sukūn kaisā kahāñ kī tasalliyāñ 'shabbīr'

ḳhud apne dard kī lazzat meñ kho gayā huuñ maiñ

KHayal-e-yar mein is tarah gum hua hun main

ki intizar ki taswir ban gaya hun main

uTha to dard ki manind un ki mahfil se

gira to ashk ki surat bikhar gaya hun main

mujhe ye aain dam-e-naza hichkiyan kaisi

zarur aaj unhen yaad aa gaya hun main

saja ke aankh mein aansu jala ke ishq mein dil

jahan-e-ishq ki raunaq baDha raha hun main

hamein to soz-e-judai ne KHak kar Dala

wo kah rahe hain abhi aazma raha hun main

sukun kaisa kahan ki tasalliyan 'shabbir'

KHud apne dard ki lazzat mein kho gaya hun main