KHayal hai na tasawwur mushahida hai na KHwab

ḳhayāl hai na tasavvur mushāhida hai na ḳhvāb

tarah tarah se uThātā huuñ apne ruḳh se naqāb

uThī nigāh to har samt se uThe parde

nazar hijāb meñ hai to jamāl zer-e-hijāb

na.e maqām na.ī manzileñ na.ī rāheñ

qadam qadam pe junūñ ke liye na.e ādāb

nigāh-e-'ishq haqīqat hai husn-e-'ālam kī

matā’-e-husn bahut jins-e-‘āshiqī kam-yāb

zabān hai na bayāñ hai magar junūñ ke liye

tirī adā.eñ takallum tirī nigāh ḳhitāb

mirā vo pīr-e-muġhāñ fakHr-e-mai-kashāñ hai vahī

jo kar sake ġham-e-hastī ko ġharq-e-jām-e-sharāb

vo ḳhaam hai jo talab-gār-e-jām hai saaqī

tirī nazar hai hameñ to musabbib-ul-asbāb

ham un ko dekhne vaale haiñ ham ko dekh 'zahīn'

kabhī ye ham ne na dekhā ye lutf hai ki 'itāb

KHayal hai na tasawwur mushahida hai na KHwab

tarah tarah se uThata hun apne ruKH se naqab

uThi nigah to har samt se uThe parde

nazar hijab mein hai to jamal zer-e-hijab

nae maqam nai manzilen nai rahen

qadam qadam pe junun ke liye nae aadab

nigah-e-'ishq haqiqat hai husn-e-'alam ki

mata’-e-husn bahut jins-e-‘ashiqi kam-yab

zaban hai na bayan hai magar junun ke liye

teri adaen takallum teri nigah KHitab

mera wo pir-e-mughan fakHr-e-mai-kashan hai wahi

jo kar sake gham-e-hasti ko gharq-e-jam-e-sharab

wo KHam hai jo talab-gar-e-jam hai saqi

teri nazar hai hamein to musabbib-ul-asbab

hum un ko dekhne wale hain hum ko dekh 'zahin'

kabhi ye hum ne na dekha ye lutf hai ki 'itab