KHayal-o-KHwab ban ke mere zehn se lipaT gae

ḳhayāl-o-ḳhvāb ban ke mere zehn se lipaT ga.e

vo itnī duur ho ga.e ki fāsle simaT ga.e

sabā hameñ talāsh kar ke zaḳhm-zaḳhm ho ga.ī

sunā hai ḳhushbuoñ ke saare qāfile palaT ga.e

ta'alluqāt kā safar hai aur tez dhuup hai

rafāqatoñ ke rāste ke saare peḌ kaT ga.e

ḳharāb mausamoñ ke shor meñ ḳhulūs bah gayā

jo nāḳhudā bane the apnī naav le ke haT ga.e

ḳhalā meñ ab badan sañbhālte raho tamām umr

ki hādse to paañv kī zamīn le ke haT ga.e

adhūrī zindagī ko ab liye phireñ kahāñ kahāñ

kitāb-e-dil se us ke naam ke varq to phaT ga.e

vo aañkh bhar ke apne daaġh dekhtā na dekhtā

ye ā.inoñ ko kyā huā ki sāmne se haT ga.e

na.ī sadī salām karne aa rahī thī 'ja.afarī'

charāġh pheñk kar hamīñ guphāoñ meñ palaT ga.e

KHayal-o-KHwab ban ke mere zehn se lipaT gae

wo itni dur ho gae ki fasle simaT gae

saba hamein talash kar ke zaKHm-zaKHm ho gai

suna hai KHushbuon ke sare qafile palaT gae

ta'alluqat ka safar hai aur tez dhup hai

rafaqaton ke raste ke sare peD kaT gae

KHarab mausamon ke shor mein KHulus bah gaya

jo naKHuda bane the apni naw le ke haT gae

KHala mein ab badan sanbhaalte raho tamam umr

ki hadse to panw ki zamin le ke haT gae

adhuri zindagi ko ab liye phiren kahan kahan

kitab-e-dil se us ke nam ke warq to phaT gae

wo aankh bhar ke apne dagh dekhta na dekhta

ye aainon ko kya hua ki samne se haT gae

nai sadi salam karne aa rahi thi 'jafari'

charagh phenk kar hamin guphaon mein palaT gae