KHayal-o-KHwab ke sab rang bhar ke dekhte hain
ḳhayāl-o-ḳhvāb ke sab rañg bhar ke dekhte haiñ
ham us kī yaad ko tasvīr kar ke dekhte haiñ
jahāñ jahāñ haiñ zamīñ par qadam-nishāñ us ke
har us jagah ko sitāre utar ke dekhte haiñ
havā hai tez sambhālegā in meñ kitnoñ ko
shajar kā hausla patte shajar ke dekhte haiñ
use bhī shauq hai kuchh dhajjiyāñ uḌāne kā
kuchh apnī vus.ateñ ham bhī bikhar ke dekhte haiñ
idhar ke sukh ne to hijrat pe kar diyā majbūr
udhar hai kyā chalo dariyā utar ke dekhte haiñ
ga.e the chhoḌ ke ham jis jagah makāñ apnā
nishāñ bas ab vahāñ dīvār-o-dar ke dekhte haiñ
na yuuñ miTā sake shāyad hameñ jo vo dildār
hai sañg-dil to sar-e-sañg ubhar ke dekhte haiñ
KHayal-o-KHwab ke sab rang bhar ke dekhte hain
hum us ki yaad ko taswir kar ke dekhte hain
jahan jahan hain zamin par qadam-nishan us ke
har us jagah ko sitare utar ke dekhte hain
hawa hai tez sambhaalega in mein kitnon ko
shajar ka hausla patte shajar ke dekhte hain
use bhi shauq hai kuchh dhajjiyan uDane ka
kuchh apni wusaten hum bhi bikhar ke dekhte hain
idhar ke sukh ne to hijrat pe kar diya majbur
udhar hai kya chalo dariya utar ke dekhte hain
gae the chhoD ke hum jis jagah makan apna
nishan bas ab wahan diwar-o-dar ke dekhte hain
na yun miTa sake shayad hamein jo wo dildar
hai sang-dil to sar-e-sang ubhar ke dekhte hain
- Book : Kisht-e-Khayal (Pg. 56)
- Author : Izhar warsi
- Publication : M.R. Publications (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
