KHayal-o-KHwab mein Dubi diwar-o-dar banati hain

ḳhayāl-o-ḳhvāb meñ Duubī dīvār-o-dar banātī haiñ

kuñvārī laḌkiyāñ aksar havā meñ ghar banātī haiñ

kabhī ġhamza kabhī ishva kabhī shoḳhī kabhī mastī

adā.eñ bāñkpan meñ sandalī paikar banātī haiñ

hiseñ āñchal meñ pinhāñ kahkashā.eñ raat hone par

ghanī zulfoñ pe raqsāñ dilrubā manzar banātī haiñ

jhukī palkoñ pe Thahre āñsuoñ par ho gumāñ aisā

ki jaise sīpiyāñ āġhosh meñ gauhar banātī haiñ

mohabbat kā karishma hai ki ulfat kī karāmat hai

hasīnā.eñ taḳhayyul meñ mah-o-aḳhtar banātī haiñ

lagegī paar kaise kashti-e-dil soch lo 'zākir'

talātum-ḳhez nazreñ roz jab sāġhar banātī haiñ

KHayal-o-KHwab mein Dubi diwar-o-dar banati hain

kunwari laDkiyan aksar hawa mein ghar banati hain

kabhi ghamza kabhi ishwa kabhi shoKHi kabhi masti

adaen bankpan mein sandali paikar banati hain

hisen aanchal mein pinhan kahkashaen raat hone par

ghani zulfon pe raqsan dilruba manzar banati hain

jhuki palkon pe Thahre aansuon par ho guman aisa

ki jaise sipiyan aaghosh mein gauhar banati hain

mohabbat ka karishma hai ki ulfat ki karamat hai

hasinaen taKHayyul mein mah-o-aKHtar banati hain

lagegi par kaise kashti-e-dil soch lo 'zakir'

talatum-KHez nazren roz jab saghar banati hain