khel ise tumne meri jaan samajh rakkha hai

khel ise tum ne mirī jaan samajh rakkhā hai

ishq ko maiñ ne to īmān samajh rahā hai

mujh meñ ḳhushbū hai nazākat bhī hai lekin us ne

kāġhazī phūloñ kā guldān samajh rakkhā hai

ḳhūn-e-dil shā.erī kartī hai talab shā.ir se

tum ne is kaam ko āsān samajh rakkhā hai

ham to insān ko insān samajhte haiñ janāb

aap ne hindū musalmān samajh rakkhā hai

ham ko ma.alūm hai dariyā ke talātum kā sabab

kis liye uThte haiñ tūfān samajh rakkhā hai

dāstāñ kā ise hāsil maiñ samajhtā huuñ 'riyāz'

tum ne unvān ko unvān samajh rakkhā hai

khel ise tum ne meri jaan samajh rakkha hai

ishq ko main ne to iman samajh raha hai

mujh mein KHushbu hai nazakat bhi hai lekin us ne

kaghazi phulon ka guldan samajh rakkha hai

KHun-e-dil shaeri karti hai talab shair se

tum ne is kaam ko aasan samajh rakkha hai

hum to insan ko insan samajhte hain janab

aap ne hindu musalman samajh rakkha hai

hum ko malum hai dariya ke talatum ka sabab

kis liye uThte hain tufan samajh rakkha hai

dastan ka ise hasil main samajhta hun 'riyaz'

tum ne unwan ko unwan samajh rakkha hai