khelunga phir kabhi koi daw visal par

khelūñgā phir kabhī koī daav visāl par

filhāl munhasir huuñ maiñ apne malāl par

sūrat nahīñ uruuj kī sab kuchh tilism hai

duniyā kī niiñv rakkhī ga.ī hai zavāl par

dekhā hai jab se us ne natīja uḌaan kā

ḳhud hī kutar diye haiñ parinde ne bāl-par

Thokar pe rakh na de tire sikkoñ ko bādshāh

darvesh aa rahā hai ab apne kamāl par

ik Tak na dekhiye ki ise TūTnā bhī hai

rah-rah ke Daalā kiije nigāheñ sifāl par

vahshat kī kashtiyoñ pe haiñ 'jānī' savār aur

āmāda ho rahī haiñ ye lahreñ uchhāl par

khelunga phir kabhi koi daw visal par

filhaal munhasir hun main apne malal par

surat nahin uruj ki sab kuchh tilism hai

duniya ki ninw rakkhi gai hai zawal par

dekha hai jab se us ne natija uDan ka

KHud hi kutar diye hain parinde ne baal-par

Thokar pe rakh na de tere sikkon ko baadshah

darwesh aa raha hai ab apne kamal par

ek Tak na dekhiye ki ise TuTna bhi hai

rah-rah ke Dala kije nigahen sifal par

wahshat ki kashtiyon pe hain 'jaani' sawar aur

aamada ho rahi hain ye lahren uchhaal par