KHema-e-sabr ke logon ko saza di gai hai

ḳhema-e-sabr ke logoñ ko sazā dī ga.ī hai

umr-e-ummīd-e-sahar aur baḌhā dī ga.ī hai

shab-e-dījūr meñ karne ko nahīñ thā kuchh so

aag se chāñd ki tasvīr banā dī ga.ī hai

peḌ ġhamnāk khaḌe haiñ ye sabhī se sun kar

sūkhe pattoñ ko kahīñ aag lagā dī ga.ī hai

shor-e-girya hai bapā nam bhī nahīñ haiñ āñkheñ

vo jo rone kī suhūlat thī haTā dī ga.ī hai

raqs-e-ḳhāmoshī huā to hai yahāñ par khul kar

jo bhī āvāz uThī thī vo dabā dī ga.ī hai

terī duniyā meñ bhī ḳhushiyoñ kī ho bārish har dam

pyāsī āñkhoñ se kisī ko ye duā dī ga.ī hai

KHema-e-sabr ke logon ko saza di gai hai

umr-e-ummid-e-sahar aur baDha di gai hai

shab-e-dijur mein karne ko nahin tha kuchh so

aag se chand ki taswir bana di gai hai

peD ghamnak khaDe hain ye sabhi se sun kar

sukhe patton ko kahin aag laga di gai hai

shor-e-girya hai bapa nam bhi nahin hain aankhen

wo jo rone ki suhulat thi haTa di gai hai

raqs-e-KHamoshi hua to hai yahan par khul kar

jo bhi aawaz uThi thi wo daba di gai hai

teri duniya mein bhi KHushiyon ki ho barish har dam

pyasi aankhon se kisi ko ye dua di gai hai