khiDkiyan khol ke kaisi ye sadaen aain

khiḌkiyāñ khol ke kaisī ye sadā.eñ aa.iiñ

yaad ye kis kī dilāne ko sadā.eñ aa.iiñ

zehn kī dhund ne umroñ ko savālī rakkhā

dhund ke parde se kitnī hī shuā.eñ aa.iiñ

toḌ kar kaun sī zanjīr ye mujrim aa.e

jurm thā kaun sā un kā jo sazā.eñ aa.iiñ

maiñ tujhe bhuul ke duniyā se lipaT jaatā huuñ

aisā karne se na jiine kī adā.eñ aa.iiñ

jab kabhī ḳhvāb jazīroñ pe bulāyā mujh ko

ḳhair-maqdam ko mire nuur fazā.eñ aa.iiñ

naam ik dil meñ dhaḌaktā hai sahīfa ban kar

is sahīfe kī hifāzat ko havā.eñ aa.iiñ

khiDkiyan khol ke kaisi ye sadaen aain

yaad ye kis ki dilane ko sadaen aain

zehn ki dhund ne umron ko sawali rakkha

dhund ke parde se kitni hi shuaen aain

toD kar kaun si zanjir ye mujrim aae

jurm tha kaun sa un ka jo sazaen aain

main tujhe bhul ke duniya se lipaT jata hun

aisa karne se na jine ki adaen aain

jab kabhi KHwab jaziron pe bulaya mujh ko

KHair-maqdam ko mere nur fazaen aain

nam ek dil mein dhaDakta hai sahifa ban kar

is sahife ki hifazat ko hawaen aain