khinch laegi koi misra-e-tar aaKHir-e-kar

khīñch lā.egī koī misra-e-tar āḳhir-e-kār

zulf zanjīr se nāzuk hai magar āḳhir-e-kār

har dorāhe pe koī yaar bichhaḌ jaanā hai

kaun adā kartā hai tāvān-e-safar āḳhir-e-kār

kaun ḳhurshīd ko palTā.e ki jangal se idhar

mornī jhaaḌ ga.ī jhiil meñ par āḳhir-e-kār

uḌ ke dīvār-e-shafaq se ye parind-e-mahtāb

jaane kyā jhāñkne aayā mire ghar āḳhir-e-kār

aur jahāñ ḳhatm huā hai man-o-salvā kā nuzūl

kaam aayā hai mirā rizq-e-hunar āḳhir-e-kār

shaam tak ek bhī chehra na rukā mere liye

band hone lagā bāzār-e-nazar āḳhir-e-kār

kuchh siyah-posh charāġhoñ kā bhalā kyā mazkūr

azhdahe khā ga.e mahtāb-nagar āḳhir-e-kār

khinch laegi koi misra-e-tar aaKHir-e-kar

zulf zanjir se nazuk hai magar aaKHir-e-kar

har dorahe pe koi yar bichhaD jaana hai

kaun ada karta hai tawan-e-safar aaKHir-e-kar

kaun KHurshid ko palTae ki jangal se idhar

morni jhaD gai jhil mein par aaKHir-e-kar

uD ke diwar-e-shafaq se ye parind-e-mahtab

jaane kya jhankne aaya mere ghar aaKHir-e-kar

aur jahan KHatm hua hai man-o-salwa ka nuzul

kaam aaya hai mera rizq-e-hunar aaKHir-e-kar

sham tak ek bhi chehra na ruka mere liye

band hone laga bazar-e-nazar aaKHir-e-kar

kuchh siyah-posh charaghon ka bhala kya mazkur

azhdahe kha gae mahtab-nagar aaKHir-e-kar