khinchta hai kaun aaKHir daere dar daere

khīñchtā hai kaun āḳhir dā.ere dar dā.ere

dā.ere hī dā.ere haiñ dā.eroñ par dā.ere

pāniyoñ kī kokh se bhī phūTtā hai dā.era

der tak phir ghūmte rahte haiñ aksar dā.ere

is kitāb-e-zīst ke bhī āḳhirī safhe talak

khīñch Daale qaus ne bhī zindagī par dā.ere

jaane kyā kyā ghūmtā hai gard kī āġhosh meñ

jhāñkte haiñ āsmānoñ se sarāsar dā.ere

dā.eroñ ke beach meñ hai ek aur dā.era

niv kalas ik markaza hai markaze par dā.ere

aañkh meñ bhī dā.era hai dā.ere meñ dā.era

zindagānī dekhtī hai kyā barābar dā.ere

khinchta hai kaun aaKHir daere dar daere

daere hi daere hain daeron par daere

paniyon ki kokh se bhi phuTta hai daera

der tak phir ghumte rahte hain aksar daere

is kitab-e-zist ke bhi aaKHiri safhe talak

khinch Dale qaus ne bhi zindagi par daere

jaane kya kya ghumta hai gard ki aaghosh mein

jhankte hain aasmanon se sarasar daere

daeron ke beach mein hai ek aur daera

niw kalas ek markaza hai markaze par daere

aankh mein bhi daera hai daere mein daera

zindagani dekhti hai kya barabar daere