khil uThe chehra-e-gumnam jab usne dekha

khil uThe chehra-e-gumnām jab us ne dekhā

aa.ine bhuul ga.e kaam jab us ne dekhā

sā-re-gā-mā-pā huī sub.h zabāñ jab kholī

fā'ilātun pe huī shaam jab us ne dekhā

nīm-jāñ kaan liye us ke qarīñ jā pahuñche

puḳhta puḳhta bhī hue ḳhaam jab us ne dekhā

allah allāh ye kyā ḳhuub nazar-bāzī hai

mai-kashī pī ga.ī ḳhud jaam jab us ne dekhā

hazrat-e-dil to sag-e-kū-e-malāmat Thahre

aa gayā aap ko ārām jab us ne dekhā

jāñ-kanī muntazir-e-chashm-e-ġhazālī thī mirī

aur tārīk huī shaam jab us ne dekhā

khil uThe chehra-e-gumnam jab us ne dekha

aaine bhul gae kaam jab us ne dekha

sa-re-ga-ma-pa hui subh zaban jab kholi

fa'ilatun pe hui sham jab us ne dekha

nim-jaan kan liye us ke qarin ja pahunche

puKHta puKHta bhi hue KHam jab us ne dekha

allah allah ye kya KHub nazar-bazi hai

mai-kashi pi gai KHud jam jab us ne dekha

hazrat-e-dil to sag-e-ku-e-malamat Thahre

aa gaya aap ko aaram jab us ne dekha

jaan-kani muntazir-e-chashm-e-ghazali thi meri

aur tarik hui sham jab us ne dekha