KHilaf-e-mazhab-e-nafrat hun kya kiya jae

ḳhilāf-e-maz.hab-e-nafrat huuñ kyā kiyā jaa.e

maiñ harf harf mohabbat huuñ kyā kiyā jaa.e

ai mere dushman-e-jāñ zarb aur kaarī de

abhī talak maiñ salāmat huuñ kyā kiyā jaa.e

maiñ 'mīr'-o-'ġhālib'-o-'iqbāl' kī muqallid huuñ

jadīdiyat meñ rivāyat huuñ kyā kiyā jaa.e

qusūr merā nahīñ hai ki 'ishq-zādoñ par

maiñ jāntī huuñ qayāmat huuñ kyā kiyā jaa.e

jadīd daur ke ḳhvāboñ meñ jī rahe haiñ log

maiñ lafz lafz haqīqat huuñ kyā kiyā jaa.e

kisī kī rāhat-o-chāhat huuñ chain huuñ dil kā

kisī ke vāste jannat huuñ kyā kiyā jaa.e

mirī ġhazal hai mirā aa.ina ki ai nāqid

maiñ misra' misra' pe hujjat huuñ kyā kiyā jaa.e

KHilaf-e-mazhab-e-nafrat hun kya kiya jae

main harf harf mohabbat hun kya kiya jae

ai mere dushman-e-jaan zarb aur kari de

abhi talak main salamat hun kya kiya jae

main 'mir'-o-'ghaalib'-o-'iqbaal' ki muqallid hun

jadidiyat mein riwayat hun kya kiya jae

qusur mera nahin hai ki 'ishq-zadon par

main jaanti hun qayamat hun kya kiya jae

jadid daur ke KHwabon mein ji rahe hain log

main lafz lafz haqiqat hun kya kiya jae

kisi ki rahat-o-chahat hun chain hun dil ka

kisi ke waste jannat hun kya kiya jae

meri ghazal hai mera aaina ki ai naqid

main misra' misra' pe hujjat hun kya kiya jae