khilne lage hain phul aur patte hare hue

khilne lage haiñ phuul aur patte hare hue

lagte haiñ peḌ saare ke saare bhare hue

sūraj ne aañkh khol ke dekhā zamīn ko

saa.e añdherī raat ke jhaT se hare hue

mil kar kareñ vo kaam jo pahle kiye ga.e!

arsa huā hai kaam bhī aise kare hue

kaisī ajiib rut hai parinde gharoñ se ab

nikle nahīñ haiñ ḳhauf ke maare Dare hue

aatā hai roz ḳhvāb meñ vo paikar-e-jamāl

āñkhoñ kī gāgaroñ ko hayā se bhare hue

phir se kisī pe zulm kisī ne kiyā hai aaj

dekhe haiñ ghoñsloñ meñ parinde mare hue

mash.al liye hue koī aa.egā ab 'hasan'

baiThe haiñ kab se taaq meñ āñkheñ dhare hue

khilne lage hain phul aur patte hare hue

lagte hain peD sare ke sare bhare hue

suraj ne aankh khol ke dekha zamin ko

sae andheri raat ke jhaT se hare hue

mil kar karen wo kaam jo pahle kiye gae!

arsa hua hai kaam bhi aise kare hue

kaisi ajib rut hai parinde gharon se ab

nikle nahin hain KHauf ke mare Dare hue

aata hai roz KHwab mein wo paikar-e-jamal

aankhon ki gagaron ko haya se bhare hue

phir se kisi pe zulm kisi ne kiya hai aaj

dekhe hain ghonslon mein parinde mare hue

mashal liye hue koi aaega ab 'hasan'

baiThe hain kab se taq mein aankhen dhare hue