KHiram-e-mauja-e-baad-e-saba se milti rahe

ḳhirām-e-mauja-e-bād-e-sabā se miltī rahe

tirī ḳhabar mujhe abr-e-rasā se miltī rahe

tirī kashish se na nikle kabhī zamīn-e-dil

tirī rutoñ tire arz-o-samā se miltī rahe

maiñ jāntī huuñ koī mo.ajiza na hogā magar

mirī duā tire dast-e-duā se miltī rahe

maiñ kaaT duuñ pas-e-dīvār-e-bāġh umr tamām

agar mujhe tirī ḳhushbū havā se miltī rahe

tire chaman meñ maiñ ik shāḳh-e-zard-rū hī sahī

mujhe numū tirī āb-o-havā se miltī rahe

tirī jhalak kā mayassar ho zād-e-rāh mujhe

phir us ke baad masāfat balā se miltī rahe

vo dasht-e-umr ho yā regzār-e-hijr mujhe

safar kī samt tire naqsh-e-pā se miltī rahe

KHiram-e-mauja-e-baad-e-saba se milti rahe

teri KHabar mujhe abr-e-rasa se milti rahe

teri kashish se na nikle kabhi zamin-e-dil

teri ruton tere arz-o-sama se milti rahe

main jaanti hun koi moajiza na hoga magar

meri dua tere dast-e-dua se milti rahe

main kaT dun pas-e-diwar-e-bagh umr tamam

agar mujhe teri KHushbu hawa se milti rahe

tere chaman mein main ek shaKH-e-zard-ru hi sahi

mujhe numu teri aab-o-hawa se milti rahe

teri jhalak ka mayassar ho zad-e-rah mujhe

phir us ke baad masafat bala se milti rahe

wo dasht-e-umr ho ya regzar-e-hijr mujhe

safar ki samt tere naqsh-e-pa se milti rahe