KHizan ba-rang-e-bahaaran hai dekhiye kya ho
Interesting Fact
04 June 1973 Rahnuma-e-Taaleem, New Delhi
ḳhizāñ ba-rañg-e-bahārāñ hai dekhiye kyā ho
sukūñ ke bhes meñ tūfāñ hai dekhiye kyā ho
ilāhī ḳhair ho hālāt hī digar-gūñ haiñ
kabhī jo kufr thā īmāñ hai dekhiye kyā ho
ravāñ-davāñ the jo lamhāt ruk ga.e yak-dam
sukūt-e-shām-e-ġharībāñ hai dekhiye kyā ho
kahāñ ga.e vo nasheb-o-farāz yās-o-ummīd
sapāT sā dil-e-vīrāñ hai dekhiye kyā ho
junūn-e-husn had-e-lā-shu.ūr tak pahuñchā
shu.ūr sar-ba-garebāñ hai dekhiye kyā ho
abhī to us kā nishāñ tak milā nahīñ 'tālib'
talāsh-e-azmat-e-insāñ hai dekhiye kyā ho
KHizan ba-rang-e-bahaaran hai dekhiye kya ho
sukun ke bhes mein tufan hai dekhiye kya ho
ilahi KHair ho haalat hi digar-gun hain
kabhi jo kufr tha iman hai dekhiye kya ho
rawan-dawan the jo lamhat ruk gae yak-dam
sukut-e-sham-e-ghariban hai dekhiye kya ho
kahan gae wo nasheb-o-faraaz yas-o-ummid
sapaT sa dil-e-viran hai dekhiye kya ho
junun-e-husn had-e-la-shuur tak pahuncha
shuur sar-ba-gareban hai dekhiye kya ho
abhi to us ka nishan tak mila nahin 'talib'
talash-e-azmat-e-insan hai dekhiye kya ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
