KHizan tujh par ye kaisa barg-o-bar aane laga hai
KHizan tujh par ye kaisa barg-o-bar aane laga hai
Mohammad Izhar ul Haq
MORE BYMohammad Izhar ul Haq
ḳhizāñ tujh par ye kaisā barg-o-bār aane lagā hai
mujhe ab mausamoñ par e'tibār aane lagā hai
kahāñ dopahr kī hiddat kahāñ ThanDak shafaq kī
siyah resham meñ chāñdī kā ġhubār aane lagā hai
khuleñge vasl ke dar dūsrī duniyāoñ meñ bhī
bil-āḳhir hijr ke ruḳh par nikhār aane lagā hai
mire asbāb meñ mashkīza-o-ḳhurjīn rakhnā
safar kī shaam hai aur regzār aane lagā hai
falak ko baar baar ahl-e-zamīñ yuuñ dekhte haiñ
ki jaise ġhaib se koī savār aane lagā hai
KHizan tujh par ye kaisa barg-o-bar aane laga hai
mujhe ab mausamon par e'tibar aane laga hai
kahan dopahr ki hiddat kahan ThanDak shafaq ki
siyah resham mein chandi ka ghubar aane laga hai
khulenge wasl ke dar dusri duniyaon mein bhi
bil-aKHir hijr ke ruKH par nikhaar aane laga hai
mere asbab mein mashkiza-o-KHurjin rakhna
safar ki sham hai aur regzar aane laga hai
falak ko bar bar ahl-e-zamin yun dekhte hain
ki jaise ghaib se koi sawar aane laga hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
