KHud aks hi chehra ka aaine mein Dhalta hai

ḳhud aks hī chehra kā ā.īne meñ Dhaltā hai

ā.īna badalne se kab chehra badaltā hai

guftār se hotā hai kirdār kā andāza

unvāñ se fasāne kā mafhūm nikaltā hai

aaj apnī ravish par vo ḳhud sar-ba-garebāñ hai

iḳhlās kī garmī se patthar bhī pighaltā hai

nisbat hai jise un se vo dard hai pā.inda

har dard kahāñ varna naġhmāt meñ Dhaltā hai

maiñ mo'tarif-e-jurm-e-iz.hār-e-sadāqat huuñ

ye tarz-e-hayāt ab kyoñ ahbāb ko khaltā hai

ye narm-ravī 'tālib' phūloñ meñ ravā rakhiye

patthar kā kaleja to teshe se dahaltā hai

KHud aks hi chehra ka aaine mein Dhalta hai

aaina badalne se kab chehra badalta hai

guftar se hota hai kirdar ka andaza

unwan se fasane ka mafhum nikalta hai

aaj apni rawish par wo KHud sar-ba-gareban hai

iKHlas ki garmi se patthar bhi pighalta hai

nisbat hai jise un se wo dard hai painda

har dard kahan warna naghmat mein Dhalta hai

main mo'tarif-e-jurm-e-izhaar-e-sadaqat hun

ye tarz-e-hayat ab kyon ahbab ko khalta hai

ye narm-rawi 'talib' phulon mein rawa rakhiye

patthar ka kaleja to teshe se dahalta hai