KHud apne aap pe aise ata hua hun main

ḳhud apne aap pe aise atā huā huuñ maiñ

sadī ke sab se baḌe jurm kī sazā huuñ maiñ

lahūluhān hai chehra vajūd chhalnī hai

sadī jo biit ga.ī us kā aa.ina huuñ maiñ

ajiib ālam-e-āh-o-bukā hai merā vajūd

taḌapte chīḳhte lamhoñ kā marsiya huuñ maiñ

ajiib sā mire siine meñ ik talātum hai

ki mauj mauj samundar banā huā huuñ maiñ

kabhī to vaqt kī sarhad ke paar utrūñgā

ki buuñd buuñd samundar ko pī rahā huuñ maiñ

'shafīq' ab koī ehsās kyā jhiñjhoḌegā

nigah se girte hī patthar kā ho gayā huuñ maiñ

KHud apne aap pe aise ata hua hun main

sadi ke sab se baDe jurm ki saza hun main

lahuluhan hai chehra wajud chhalni hai

sadi jo bit gai us ka aaina hun main

ajib aalam-e-ah-o-buka hai mera wajud

taDapte chiKHte lamhon ka marsiya hun main

ajib sa mere sine mein ek talatum hai

ki mauj mauj samundar bana hua hun main

kabhi to waqt ki sarhad ke par utrunga

ki bund bund samundar ko pi raha hun main

'shafiq' ab koi ehsas kya jhinjhoDega

nigah se girte hi patthar ka ho gaya hun main