KHud apni chaal se na-ashna rahe hai koi

ḳhud apnī chaal se nā-āshnā rahe hai koī

ḳhirad ke shahr meñ yuuñ lāpatā rahe hai koī

chalā to TuuT gayā phail hī gayā goyā

pahāḌ ban ke kahāñ tak khaḌā rahe hai koī

na harf-e-naf.i na chāk-e-sabāt-e-darmāñ hai

har ik fareb ke andar chhupā rahe hai koī

khaḌī haiñ chāroñ taraf apnī be-gunah sāñseñ

sadā-e-dard ke andar ghirā rahe hai koī

gurez āñkheñ liye jā rahe ho kamre meñ

junūñ ki ruuh se kab tak bachā rahe hai koī

qadam hai jazb ki sahrā hai rahguzar, qatre

hurūf-e-dil kī tarah Dāltā rahe hai koī

jo ḳhushbuoñ ke thapeḌe badan se Takrā.eñ

to 'aslam' aise meñ kab tak khaḌā rahe hai koī

KHud apni chaal se na-ashna rahe hai koi

KHirad ke shahr mein yun lapata rahe hai koi

chala to TuT gaya phail hi gaya goya

pahaD ban ke kahan tak khaDa rahe hai koi

na harf-e-nafi na chaak-e-sabaat-e-darman hai

har ek fareb ke andar chhupa rahe hai koi

khaDi hain chaaron taraf apni be-gunah sansen

sada-e-dard ke andar ghira rahe hai koi

gurez aankhen liye ja rahe ho kamre mein

junun ki ruh se kab tak bacha rahe hai koi

qadam hai jazb ki sahra hai rahguzar, qatre

huruf-e-dil ki tarah Dalta rahe hai koi

jo KHushbuon ke thapeDe badan se Takraen

to 'aslam' aise mein kab tak khaDa rahe hai koi