KHud dard hi ko dard ka darman bana diya

ḳhud dard hī ko dard kā darmāñ banā diyā

maiñ ne ġham-e-hayāt ko āsāñ banā diyā

kaam aaya un kā ġham bhī ġham-e-rozgār bhī

donoñ ne mil ke mujh ko ġhazal-ḳhvāñ banā diyā

mujh ko dayār-e-shauq se jitne bhī ġham mile

un sab ko apnī ziist kā sāmāñ banā diyā

vahshat Tapak rahī hai dar-o-bām o saqf se

vo kyā ga.e ki ghar ko bayābāñ banā diyā

sharminda aap hoñ na kahīñ is ḳhayāl se

ek ek zaḳhm ko gul-e-ḳhandāñ banā diyā

chashm-e-karam kisī kī baḌī chāra-sāz thī

zarra thā 'tāj' mahr-e-daraḳhshāñ banā diyā

KHud dard hi ko dard ka darman bana diya

main ne gham-e-hayat ko aasan bana diya

kaam aaya un ka gham bhi gham-e-rozgar bhi

donon ne mil ke mujh ko ghazal-KHwan bana diya

mujh ko dayar-e-shauq se jitne bhi gham mile

un sab ko apni zist ka saman bana diya

wahshat Tapak rahi hai dar-o-baam o saqf se

wo kya gae ki ghar ko bayaban bana diya

sharminda aap hon na kahin is KHayal se

ek ek zaKHm ko gul-e-KHandan bana diya

chashm-e-karam kisi ki baDi chaara-saz thi

zarra tha 'taj' mahr-e-daraKHshan bana diya