KHud hi apni lash uThaen kab tak aaKHir aaKHir kab tak

ḳhud hī apnī laash uThā.eñ kab tak āḳhir āḳhir kab tak

aur lab pe shikva na laa.eñ kab tak āḳhir āḳhir kab tak

apnī Daflī alag bajā.eñ aur kisī kī sun na paa.eñ

phir bhī kaheñ sab saath nibāheñ kab tak āḳhir āḳhir kab tak

is kī uljhan us kī uljhan ghar meñ uljhan bāhar uljhan

saarī uljhan ham suljhā.eñ kab tak āḳhir āḳhir kab tak

duniyā-dārī ik bīmārī sach sach kahnā aur ḳhush rahnā

maan rakheñ samān gañvā.eñ kab tak āḳhir āḳhir kab tak

usī ne kī ilzām-tarāshī aur duniyā ne dī shābāshī

mere sar hī saarī balā.eñ kab tak āḳhir āḳhir kab tak

bād-e-bahārāñ gulshan gulshan suunā paḌā hai apnā āñgan

bār-e-ḳhizāñ ik ham hī uThā.eñ kab tak āḳhir āḳhir kab tak

yaad tumhārī aa.e sājan vyākul kar de saarā tan-man

ik pal tum ko bhuul na paa.eñ kab tak āḳhir āḳhir kab tak

biptā aisī aan parī hai sankaT meñ ye jaan paḌī hai

ik merī jaañ saarī balā.eñ kab tak āḳhir āḳhir kab tak

aisā bhī kyā ho saktā hai aap ne kaise soch liyā ye

aap bulā.eñ 'josh' na aa.eñ kab tak āḳhir āḳhir kab tak

KHud hi apni lash uThaen kab tak aaKHir aaKHir kab tak

aur lab pe shikwa na laen kab tak aaKHir aaKHir kab tak

apni Dafli alag bajaen aur kisi ki sun na paen

phir bhi kahen sab sath nibahen kab tak aaKHir aaKHir kab tak

is ki uljhan us ki uljhan ghar mein uljhan bahar uljhan

sari uljhan hum suljhaen kab tak aaKHir aaKHir kab tak

duniya-dari ek bimari sach sach kahna aur KHush rahna

man rakhen saman ganwaen kab tak aaKHir aaKHir kab tak

usi ne ki ilzam-tarashi aur duniya ne di shabashi

mere sar hi sari balaen kab tak aaKHir aaKHir kab tak

baad-e-bahaaran gulshan gulshan suna paDa hai apna aangan

bar-e-KHizan ek hum hi uThaen kab tak aaKHir aaKHir kab tak

yaad tumhaari aae sajan wyakul kar de sara tan-man

ek pal tum ko bhul na paen kab tak aaKHir aaKHir kab tak

bipta aisi aan pari hai sankaT mein ye jaan paDi hai

ek meri jaan sari balaen kab tak aaKHir aaKHir kab tak

aisa bhi kya ho sakta hai aap ne kaise soch liya ye

aap bulaen 'josh' na aaen kab tak aaKHir aaKHir kab tak