KHud ko aafat-e-zamana se bachae rakhiye

ḳhud ko āfāt-e-zamāna se bachā.e rakhiye

vaqt kaisā bhī ho kirdār banā.e rakhiye

mil hī jā.egā kisī vaqt surāġh-e-manzil

rāh-e-ulfat meñ nigāhoñ ko bachā.e rakhiye

kāmyābī se to ho jā.egā qissa hī tamām

ishq-e-nākām ko nākām banā.e rakhiye

dekhne ā.eñge vo un kī ḳhushī kī ḳhātir

dil ke dāġhoñ ko qarīne se sajā.e rakhiye

pheñk diije mirā dil TuuT gayā phuuT gayā

ho gayā ḳhuun use is ke bajā.e rakhiye

bazm us kī hai parā.e pe nazar mat kiije

raunaq-e-bazm bahar-hāl jamā.e rakhiye

tohfa-e-ishq hai 'ejāz' vafā ho ki jafā

jo bhī mil jaa.e use dil se lagā.e rakhiye

KHud ko aafat-e-zamana se bachae rakhiye

waqt kaisa bhi ho kirdar banae rakhiye

mil hi jaega kisi waqt suragh-e-manzil

rah-e-ulfat mein nigahon ko bachae rakhiye

kaamyabi se to ho jaega qissa hi tamam

ishq-e-nakaam ko nakaam banae rakhiye

dekhne aaenge wo un ki KHushi ki KHatir

dil ke daghon ko qarine se sajae rakhiye

phenk dije mera dil TuT gaya phuT gaya

ho gaya KHun use is ke bajae rakhiye

bazm us ki hai parae pe nazar mat kije

raunaq-e-bazm bahar-haal jamae rakhiye

tohfa-e-ishq hai 'ejaz' wafa ho ki jafa

jo bhi mil jae use dil se lagae rakhiye