KHud ko apne du-badu rakkha gaya

ḳhud ko apne dū-badū rakkhā gayā

aa.ina yuuñ rū-ba-rū rakkhā gayā

sar burīda hai mirā par ḳham nahīñ

ya.anī sar ko surḳh-rū rakkhā gayā

ishq meñ izzat agar itnī hai to

qais kyoñ be-ābrū rakkhā gayā

taaki koī baat bhī na sun sakeñ

ḳhud ko mahv-e-guftugū rakkhā gayā

kyā haqīqat meñ bhī vo maujūd hai

jis ko mere chār-sū rakkhā gayā

yuuñ na ho ki saañp kā ye ghar bane

āstīñ ko be-rafū rakkhā gayā

naam terā sāmne rakkhā hai yuuñ

jis tarah jām-o-subū rakkhā gayā

ek palḌe meñ zamāna rakh diyā

dūsre meñ sirf tū rakkhā gayā

kuchh hisār-e-bebasī meñ thā 'ḳhizar'

kuchh use bhī hīla-jū rakhā gayā

KHud ko apne du-badu rakkha gaya

aaina yun ru-ba-ru rakkha gaya

sar burida hai mera par KHam nahin

yani sar ko surKH-ru rakkha gaya

ishq mein izzat agar itni hai to

qais kyon be-abru rakkha gaya

taki koi baat bhi na sun saken

KHud ko mahw-e-guftugu rakkha gaya

kya haqiqat mein bhi wo maujud hai

jis ko mere chaar-su rakkha gaya

yun na ho ki sanp ka ye ghar bane

aastin ko be-rafu rakkha gaya

nam tera samne rakkha hai yun

jis tarah jam-o-subu rakkha gaya

ek palDe mein zamana rakh diya

dusre mein sirf tu rakkha gaya

kuchh hisar-e-bebasi mein tha 'KHizar'

kuchh use bhi hila-ju rakha gaya