ki KHud-numai na tashhir chahte hain hum

ki ḳhud-numā.ī na tash.hīr chāhte haiñ ham

bas apne hone kī tauqīr chāhte haiñ ham

rihā.ī kā yahī mafhūm hai hamāre liye

pasand kī koī zanjīr chāhte haiñ ham

ye dekhnā hai ki raftār kar rahī hai kyā

tamām shahr ko tasvīr chāhte haiñ ham

bahut udaas hai koī paḌos meñ yaaro

zarā sī jashn meñ tāḳhīr chāhte haiñ ham

zarā sī baat jo chheḌī huqūq kī ham ne

uThā ye shor ki jāgīr chāhte haiñ ham

hameñ banāyā gayā hai hadaf ye jānte haiñ

to kyuuñ nishāne pe har tiir chāhte haiñ ham

ye toḌ-phoḌ zarūrat hai koī shauq nahīñ

na.e sire se jo ta.amīr chāhte haiñ ham

bas ek qāfiya-paimā.ī ham ne kī hai 'suhail'

so ai ġhazal tirī ta.azīr chāhte haiñ ham

ki KHud-numai na tashhir chahte hain hum

bas apne hone ki tauqir chahte hain hum

rihai ka yahi mafhum hai hamare liye

pasand ki koi zanjir chahte hain hum

ye dekhna hai ki raftar kar rahi hai kya

tamam shahr ko taswir chahte hain hum

bahut udas hai koi paDos mein yaro

zara si jashn mein taKHir chahte hain hum

zara si baat jo chheDi huquq ki hum ne

uTha ye shor ki jagir chahte hain hum

hamein banaya gaya hai hadaf ye jaante hain

to kyun nishane pe har tir chahte hain hum

ye toD-phoD zarurat hai koi shauq nahin

nae sire se jo tamir chahte hain hum

bas ek qafiya-paimai hum ne ki hai 'suhail'

so ai ghazal teri tazir chahte hain hum