KHud par nahin tuyur ki ab dastaras ki bas

ḳhud par nahīñ tuyūr kī ab dastaras ki bas

mastī meñ jā rahe haiñ yuuñ sū-e-qafas ki bas

ḳhvāhish kahāñ uruuj se utrī hai zer-e-ḳhāk

mazbūt duur se use is tarah kas ki bas

mahkā huā vajūd hai raushan hai merī ḳhaak

aise ravāñ hai phir terī bū-e-nafas ki bas

har dam tire ḳhayāl ne niilā kiyā badan

sab zahr khīñch le mirā is tarah Das ki bas

maktūb meñ likhā hai mujhe ab shifā mile

bīmār ko atā ho kabhī ek mas ki bas

āñkheñ lahū-luhān thiiñ chehre bhī the malāl

is tarah dīdanī thā vo sola-baras ki bas

ik umr kī thakān se hai jism shal 'nisār'

manzūr ab nahīñ mujhe bhāñg-o-jaras ki bas

KHud par nahin tuyur ki ab dastaras ki bas

masti mein ja rahe hain yun su-e-qafas ki bas

KHwahish kahan uruj se utri hai zer-e-KHak

mazbut dur se use is tarah kas ki bas

mahka hua wajud hai raushan hai meri KHak

aise rawan hai phir teri bu-e-nafas ki bas

har dam tere KHayal ne nila kiya badan

sab zahr khinch le mera is tarah Das ki bas

maktub mein likha hai mujhe ab shifa mile

bimar ko ata ho kabhi ek mas ki bas

aankhen lahu-luhan thin chehre bhi the malal

is tarah didani tha wo sola-baras ki bas

ek umr ki thakan se hai jism shal 'nisar'

manzur ab nahin mujhe bhang-o-jaras ki bas