KHud se ab mujhko juda yun hi meri jaan rakhna

ḳhud se ab mujh ko judā yuuñ hī mirī jaañ rakhnā

har ghaḌī ḳhvāb ko tum ḳhvāb-e-pareshāñ rakhnā

ab ibādat kī yahī ek hai sūrat baaqī

aañkh ko band kiye hoñT sanā-ḳhvāñ rakhnā

ḳhvāb ko zehn kahāñ hai na yahāñ hai na vahāñ

dil ke āñgan meñ kahīñ gor-e-ġharībāñ rakhnā

barahna rahne kī taufīq kahāñ se laa.e

ḳhud ko aayā hī nahīñ be-sar-o-sāmāñ rakhnā

raah chalte haiñ to dīvār uThā lete haiñ

kitnā dushvār hai āsāñ ko bhī āsāñ rakhnā

kyā salīqa thā vo 'ġhālib' hoñ ki hoñ 'mīr'-o-'firāq'

hijr meñ vasl kā vo naqsh-e-gurezāñ rakhnā

KHud se ab mujh ko juda yun hi meri jaan rakhna

har ghaDi KHwab ko tum KHwab-e-pareshan rakhna

ab ibaadat ki yahi ek hai surat baqi

aankh ko band kiye honT sana-KHwan rakhna

KHwab ko zehn kahan hai na yahan hai na wahan

dil ke aangan mein kahin gor-e-ghariban rakhna

barahna rahne ki taufiq kahan se lae

KHud ko aaya hi nahin be-sar-o-saman rakhna

rah chalte hain to diwar uTha lete hain

kitna dushwar hai aasan ko bhi aasan rakhna

kya saliqa tha wo 'ghaalib' hon ki hon 'mir'-o-'firaq'

hijr mein wasl ka wo naqsh-e-gurezan rakhna