KHud tark-e-muddaa par majbur ho gaya hun
Interesting Fact
April 1927
ḳhud tark-e-mudda.ā par majbūr ho gayā huuñ
taqdīr ke likhe se ma.azūr ho gayā huuñ
apnī ḳhudī kī dhun meñ mansūr ho gayā huuñ
ḳhud ban gayā huuñ jalva ḳhud tuur ho gayā huuñ
un ko bhulā rahā huuñ vo yaad aa rahe haiñ
kis darja dil ke hāthoñ majbūr ho gayā huuñ
sab miT ga.iiñ umīdeñ sab pis ga.iiñ umañgeñ
dil kī shikastagī se ḳhud chor ho gayā huuñ
pachhtā rahā huuñ un ko furqat meñ yaad kar ke
vo paas aa ga.e haiñ maiñ duur ho gayā huuñ
māyūs ho chukā huuñ ummīd kī jhalak se
maiñ jabr karte karte majbūr ho gayā huuñ
'tālib' shikast-e-dil kī ik āḳhirī sadā par
duniyā samajh rahī hai mansūr ho gayā huuñ
KHud tark-e-muddaa par majbur ho gaya hun
taqdir ke likhe se mazur ho gaya hun
apni KHudi ki dhun mein mansur ho gaya hun
KHud ban gaya hun jalwa KHud tur ho gaya hun
un ko bhula raha hun wo yaad aa rahe hain
kis darja dil ke hathon majbur ho gaya hun
sab miT gain umiden sab pis gain umangen
dil ki shikastagi se KHud chor ho gaya hun
pachhta raha hun un ko furqat mein yaad kar ke
wo pas aa gae hain main dur ho gaya hun
mayus ho chuka hun ummid ki jhalak se
main jabr karte karte majbur ho gaya hun
'talib' shikast-e-dil ki ek aaKHiri sada par
duniya samajh rahi hai mansur ho gaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
