KHuda hi jaane ki hai ya tah-e-mazar nahin

ḳhudā hī jaane ki hai yā tah-e-mazār nahīñ

vo be-qarār jise mar ke bhī qarār nahīñ

nigāh-e-yār magar ab bhī sharmsār nahīñ

ki ek arz-e-tamannā pe laakh baar nahīñ

tajalliyoñ ne mujhe pahle kar diyā be-ḳhud

jab aaya hosh to dekhā jamāl-e-yār nahīñ

na pūchh mere dil-e-ġham-zada kā haal na pūchh

ye vo chaman hai jo sharminda-e-bahār nahīñ

miTā.e jā mirī hastī miTā.e jā lekin...

rahe ḳhayāl zamāna kā e'tibār nahīñ

jabīn-e-shauq na sajde meñ itnī kar sabqat

har ek naqsh-e-qadam naqsh-e-pā-e-yār nahīñ

tumhāre va.ada kā ho laakh e'tibār magar

vo kyā kare jise qismat pe e'tibār nahīñ

kalīm hosh meñ aao milāo nazroñ ko

ye mauqa haath phir aane kā bār-bār nahīñ

nahīñ jo mere gunāhoñ kā kuchh hisāb 'afqar'

qasam hai rahmat-e-haq kā bhī kuchh shumār nahīñ

KHuda hi jaane ki hai ya tah-e-mazar nahin

wo be-qarar jise mar ke bhi qarar nahin

nigah-e-yar magar ab bhi sharmsar nahin

ki ek arz-e-tamanna pe lakh bar nahin

tajalliyon ne mujhe pahle kar diya be-KHud

jab aaya hosh to dekha jamal-e-yar nahin

na puchh mere dil-e-gham-zada ka haal na puchh

ye wo chaman hai jo sharminda-e-bahaar nahin

miTae ja meri hasti miTae ja lekin

rahe KHayal zamana ka e'tibar nahin

jabin-e-shauq na sajde mein itni kar sabqat

har ek naqsh-e-qadam naqsh-e-pa-e-yar nahin

tumhaare wada ka ho lakh e'tibar magar

wo kya kare jise qismat pe e'tibar nahin

kalim hosh mein aao milao nazron ko

ye mauqa hath phir aane ka bar-bar nahin

nahin jo mere gunahon ka kuchh hisab 'afqar'

qasam hai rahmat-e-haq ka bhi kuchh shumar nahin