KHuda jab tak na chahe kuchh kisi se ho nahin sakta

ḳhudā jab tak na chāhe kuchh kisī se ho nahīñ saktā

valī se ho nahīñ saktā nabī se ho nahīñ saktā

tavajjoh shart hai kyā aadmī se ho nahīñ saktā

magar himmat hī karnā kāhilī se ho nahīñ saktā

karūñ kyoñ iltijā ġhairoñ ke aage tañg-dastī kī

badal Daale muqaddar ye kisī se ho nahīñ saktā

agar jāhil kā parda hai to ahl-e-ilm kī zīnat

magar nuqsān apnā ḳhāmushī se ho nahīñ saktā

burā.ī us kī kar ke kyoñ karūñ maiñ apnā dil halkā

mirā nuqsān jis kī dushmanī se ho nahīñ saktā

pareshāñ muflisī se aap hī vo kyoñ na ho lekin

faqīroñ ko jhiḌak denā sakhī se ho nahīñ saktā

ghaTā.eñ yaas kī ummīd par jab tak na chhā jaa.eñ

koī bezār apnī zindagī se ho nahīñ saktā

usī zālim ne shāyad raaz merā kar diyā ifshā

pate kī baat kahnā ajnabī se ho nahīñ saktā

gunāhoñ se vahī Dartā hai jis ko ḳhauf-e-ḳhāliq hai

fareb-e-nafs se bachnā sabhī se ho nahīñ saktā

kalejā qais kā dil kohkan kā chāhiye 'saifī'

kisī par jaan denā har kisī se ho nahīñ saktā

KHuda jab tak na chahe kuchh kisi se ho nahin sakta

wali se ho nahin sakta nabi se ho nahin sakta

tawajjoh shart hai kya aadmi se ho nahin sakta

magar himmat hi karna kahili se ho nahin sakta

karun kyon iltija ghairon ke aage tang-dasti ki

badal Dale muqaddar ye kisi se ho nahin sakta

agar jahil ka parda hai to ahl-e-ilm ki zinat

magar nuqsan apna KHamushi se ho nahin sakta

burai us ki kar ke kyon karun main apna dil halka

mera nuqsan jis ki dushmani se ho nahin sakta

pareshan muflisi se aap hi wo kyon na ho lekin

faqiron ko jhiDak dena sakhi se ho nahin sakta

ghaTaen yas ki ummid par jab tak na chha jaen

koi bezar apni zindagi se ho nahin sakta

usi zalim ne shayad raaz mera kar diya ifsha

pate ki baat kahna ajnabi se ho nahin sakta

gunahon se wahi Darta hai jis ko KHauf-e-KHaliq hai

fareb-e-nafs se bachna sabhi se ho nahin sakta

kaleja qais ka dil kohkan ka chahiye 'saifi'

kisi par jaan dena har kisi se ho nahin sakta