KHuda ka shukr ki sunta raha KHuda meri

ḳhudā kā shukr ki suntā rahā ḳhudā merī

kabhī na arsh se lauTī koī duā merī

maiñ māñgtī huuñ usī se ki vo mirā rab hai

use pasand hai shāyad yahī adā merī

chalā gayā thā jo vāpas palaT bhī saktā thā

magar gale meñ phañsī rah ga.ī sadā merī

shumār hote haiñ shāyad vo sab farishtoñ meñ

gināte rahte haiñ jo log har ḳhatā merī

hayāt-o-maut ke aage bhī zindagī hai kahīñ

na ibtidā hai mirī ye na intihā merī

ye vaqt-e-naz.a mirā chārāgar samajh paayā

bas ek lafz mohabbat kā thā davā merī

badal rahī huuñ musavvir maiñ apne dhuñdle rang

ab ek baar ye tasvīr phir banā merī

hamesha chāhā ki sabr-o-razā pe sher kahūñ

hamesha fikr rukī jā ke karbalā merī

mire imaam bhī haq-go rahe sar-e-neza

'hinā' alam bhī rahī azm kī ridā merī

KHuda ka shukr ki sunta raha KHuda meri

kabhi na arsh se lauTi koi dua meri

main mangti hun usi se ki wo mera rab hai

use pasand hai shayad yahi ada meri

chala gaya tha jo wapas palaT bhi sakta tha

magar gale mein phansi rah gai sada meri

shumar hote hain shayad wo sab farishton mein

ginate rahte hain jo log har KHata meri

hayat-o-maut ke aage bhi zindagi hai kahin

na ibtida hai meri ye na intiha meri

ye waqt-e-naza mera chaaragar samajh paya

bas ek lafz mohabbat ka tha dawa meri

badal rahi hun musawwir main apne dhundle rang

ab ek bar ye taswir phir bana meri

hamesha chaha ki sabr-o-raza pe sher kahun

hamesha fikr ruki ja ke karbala meri

mere imam bhi haq-go rahe sar-e-neza

'hina' alam bhi rahi azm ki rida meri